Huwag na munang isipin ang mga tampo,
hindi magkakaunawaan at mga argumento
Sinta, kamay ko ay abutin mo.
Sumama ka sa akin at muli sabay tayong maliyo.
Muli, sabay tayong mawala—
katulad noon hindi ka nagdalawang isip na iwanan sila, dahil ang mahalaga sa ‘yo ay ako, at ang tayong dalawa.
Huwag nang magalit, sumabay ka na lang sa aking pagpikit
Muli sa malalaking ulap tayo ay magkandirit
Pangarapin muli natin ang langit,
malunod sa malawak na dagat nang pagkasabik.
Sasayaw tayo sa hangin at iindak,
Patayin ang makulay na bahaghari, gawing madilim ang paligid
pansamantala tayong lumayo sa gulo ng reyalidad.
Kagaya nang una gumawa tayo ng sarili nating musika: tunog mula sa mga halik, halinghing ng bawat pagkasabik.
Kapwa tayo muling madarang sa bawat init, mga pawis ay muling patagaktakin, mga katawan ay muling pasayawin.
Tayo lang,
Tayo muna,
Bumalik tayo sa umpisa,
Kagaya nang una.